تحسنات الحالة ديال سارة جسديا و الطبيب عطاها الاذن باش تخرج و قال للينا باش تحاول تنسيها هادشي اللي وقع و تخليها دير شي حاجة هي كتبغيها باش تخرج من الحزن اللي هي فيه لينا بدات كتجمع حوايج سارة باش يمشيو عندها للدار
لينا: شحال انا وياك كنحلمو نسافرو بجوج ، ودبا جابتها الفرصة ، نبدلو الجول
سارة : ماكرهتش والله ، حيت ايلا بقيت هنا غادي نطرطق ، ولكن فين نمشيو؟
لينا : علاش مانمشيوش لاسنطبول ؟ منها نتساراو و منها نديرو الشوبينغ ، ياك عزيز عليك الشرا؟
سارة حسات براسها متحمسة و مابغاتش تخلي واحد مايستاهلش يسرق منها ايام من عمرها
لينا : ايوة اش قلتي؟
سارة : نمشيو علاش لا!
كانو كيكملو حديثهوم حتى دخلات عليهوم واحد البنت ، ماعرفوهاش شكون ، ويسحابليهوم غالطة
جيهان : حبيبة سارة ، كيف صبحتي؟
سارة بتعجب : كاتعرفيني؟
جيهان : هه معلوم كنعرفك ، انا جيت نقوليك جوج كليمات ، أمين عمرو مابغاك ولا فكر فيك كامراتو دارتها الظروف وخلاص ، امين كيبغيني انا وداكشي اللي كنتو شاركينو هاهو مات
:سارة تصدمات ولكن مابغاتش تبين هادشي حداها.
ههه ايوة مني كيبغيك علاش ماتجوجش بيك وبقا يجرجرك؟ علاش ختارني انا فالحلال وخلاك نتي فالحرام ؟ هممم!
جيهان : هو كان باغي ، مو اللي عكساتلينا الله ياخد فيها الحق ، وزايدون ماداكش على كحل عيونك ، داك نتي حيت طمع فورث باك هنا سارة دارت بيها الدنيا ، كيفاش كاين شي انسان على وجه الارض وقح بحال هكا ، كيفاش وهمها الحب وخلاها تحلم ؟ لينا كانت خايفة على سارة ، ولكن سارة من بعد ماسمعات هادشي حتاقراتو وكرهاتو وحلفات لاعمرها تكون ليه
سارة : والاش كاتعاوديلي انا هادشي ؟ انا مالي ومالو؟ خوديه الالا ، مني عارفة اش فيه وقابلة عليه وقابلة على الذل غير بالصحة و الراحة ، عومو بحركوم هزات سارة حوايجها و خلات جيهان يابسة فبلاصتها ، حيت هي جات ناوية تحرق قلبها ساعة سمماتها بهضرتها خرجو من المستشفى
لينا : سارة ، شوفي بلا ماتدي على هاد خيتي ، راكي عارفة هاد الاشكال
سارة : شتي انا امين خرجتو من بالي ، و والله مانخلي هادشي يمرضني فصحتي ، انا غادي نبدا حياة جديدة و هاد الصفحة غانحرقها، لينا : هكا نبغيك
...يتبع..
0 comments:
Post a Comment